عێراق شوێنەوارێكی دەگمەنی وەرگرتەوە

ئاڤا نیوز

 

لەچوارچێوەی گەڕاندنەوەی شوێنەوارە دزراوەکانی، عێراق پارچە شوێنەوارێكی دەگمەن لە بەریتانیا وەردەگرێتەوە .

ڕاگه‌یێنراوی فه‌رمی: وەزارەتی دەرەوەی  عێراق بڵاویكردەوە : بەهاوكاری لەگەڵ حكومەتی بەریتانیا و لەچوارچێوەی دیپلۆماسییەتی گەڕاندنەوەی شوێنەوارەکان، وەزارەتی دەرەوەی عێراق،  شوێنەوارێكی دەگمەنی وەرگرتەوە  کە بریتیە لە تابلۆیەکی ئاشووری ، بەشی سەرەوەی "جینۆیەکی باڵدار" پێکدەهێنێت.

زانیاریی زیاتر: ئەو پارچە شوێنەوارە كە کێشی نزیکەی 333 کیلۆگرامە، شێوەی چوارگۆشەیە، پانی 1.16 مەترە و درێژی 1.13 مەترە و مێژووەکەی دەگەڕێتەوە بۆ نێوان ساڵانی 883 -859 پێش زایینی.

وێنە گەورەكە: لە سێ ساڵی ڕابردوودا حکومەتی عێراق توانیویەتی زیاتر لە 24 هەزار پارچە شوێنەوار کە بۆ دەرەوەی وڵات بردرابوون، بگەڕێنێتەوە.