حەماس: پێویستمان بە پێشنیازی نوێی ئیسرائیل نییە

ئاڤا نیوز

لەکاتێکدا ئیسرائیل هەوڵدەدات لەگەڵ حەماس بگاتە ڕێککەوتن بۆ ئەوەی بارمتەکانی ڕزگار بکات، حەماس مەرجی کشانەوەی ئیسرائیل لە بەندەری فلادلیفیای نێوان غەززە و میسر دادەنێت.

وێنە گەورەکە: دوای ئەوەی حەماس شەش لە بارمتەکانی ئیسرائیلی لە تونێلەکانی غەززە کوشت، بنیامین نەتەنیاهۆ، سەرۆکوەزیرانی ئیسرائیل هەوڵدەدات بارمتەکانی دیکە ڕزگار بکات، ئەمەش دوای کاردانەوەی فراوانی خەڵکی ئیسرائیل و گەڕاندنەوەی هۆکاری کوشتنی بارمتەکان بۆ خەمساردی نەتەنیاهۆ.

ڕاگەیێنراوی فەرمی: حەماس بە ئاماژەدان بەو هەواڵەی لە میدیاکانی ئەمریکادا باس لەوە دەکات واشنتن پێشنیازێکی نوێ بۆ ئاڵوگۆڕی زیندانییەکان و ئاگربەست ئامادە دەکات، دەڵێت "پێویستمان بە پێشنیازی نوێ نییە".

هۆکارە زانراوەکان: حەماس دووپاتی دەکاتەوە بڕیارەکەی نەتانیاهۆ بۆ کشانەوەی لە دەروازەی فیلادلفیا، ئامانجی پووچەڵکردنەوەی گەیشتن بە ڕێککەوتنە بۆ ڕاگرتنی شەڕی کەرتی غەززە و ئاڵوگۆڕی دیلەکان.

لەلایەکی دیکەوە: حەماس بە پێویستی دەزانێت فشار بخرێتە سەر نەتانیاهۆ و حکومەتەکەی و ناچار بکرێن پابەندن بەو ڕێککەوتنەی پێشتر قسەی لەسەر کراوە.