بڕیاری دامەزراندن بۆ بەشێک لە دەرچووانی زانکۆکانی هەرێمی کوردستان دەرچوو

ئاڤا نیوز 

 

وەزارەتی تەندروستیی عێراق فەرمانی وەزاری بۆ دامەزراندنی نزیکەی 30 هەزار دەرچووی کۆلێژ و پەیمانگە پزیشکییەکانی عێراق و هەرێمی کوردستان دەرکرد، بۆ کوردستان بڕیارەکە ئەو دەرچووانە دەگرێتە کە دانیشتووی ناوچە کوردستانییەکانی دەرەوەی ئیدارەی هەرێمی کوردستانن، بەڵام دەرچووی کۆلێژ و پەیمانگاکانی هەرێمی کوردستانن.

 

وێنە گەورەکە: ئەمساڵ هەزاران دەرچووی زانکۆکان لە عێراق و هەرێمی کوردستان فۆڕمی دامەزراندنیان پڕکردووەتەوە، دامەزراندن سێ یەکەمەکانی زانکۆ، دەرچووانی بەشە پزیشکییەکان، هەڵگرانی بڕوانامەی ماسته‌ر و دکتۆرا دەگرێتەوە.

 

ڕاگەیێنراوی فەرمی: وەزارەتی تەندروستی عێراق بڵاویکردەوە، دوای تەواوکردنی سەرجەم ڕێکارەکان، ئەمڕۆ فەرمانی وەزاری بۆ دامەزراندنی 29 هەزار و 882 دەرچوویی کۆلێژ و پەیمانگا پزیشییەکانی عێراق و هەرێمی کوردستان دەرچوو، ئەوانەشی ناوییان دەرچووە بۆ دەستبەکاربوونیان دەتوانن سەردانی وەزارەت بکەن.

 

ئەوەی پێویستە بیزانیت: دامەزراندنەکە دەرچووانی زانكۆ و پەیمانگاکانی هه‌رێمی كوردستانیشی گرتووەتەوە، بەڵام به‌و مه‌رجه‌ی دانیشتووی کەرکووک و ناوچە کوردستانییەکانی دەرەوەی ئیدارەی هەرێمی کوردستان بن.

 

لەلایەکی دیکەوە: سەعد ئه‌للامی، بەرپرسی ڕاگەیاندنی ئەنجوومەنی ڕاژه‌ی فیدڕاڵی به‌ ئاڤا نیوزی گوت: دوای وەرگرتنی ڕەزامەندیی وەزارەتی تەندروستیی عێراق،  لە   2024-8-29 ڕەزامەندییان داوە بۆ دامەزراندنی  28 هەزار و 400 دەرچووی زانکۆ لە دەرچووانی بەشە پزیشکییەکان.

 

بۆ دۆزینەوەی ناوی دەرچووان کلیک بکە.