تەیف سامی: لە خەرجکردنی مووچەی فەرمانبەرانی هەرێمی کوردستان بەردەوام دەبین

ئاڤا نیوز 

وەزیری دارایی عێراق بەڵێن دەدات بەگوێرەی بڕیاری دادگای فیدراڵی، لە خەرجکردنی مووچەی فەرمانبەرانی هەرێمی کوردستان بەردەوام دەبن.

وێنە گەورەکە: سەرەڕای بڕیاری دادگای فیدڕاڵی بۆ خەرجکردنی مووچەی فەرمانبەرانی هەرێمی کوردستان، بەڵام وەزیری دارایی عێراق بەهۆکاری ئەوەی کەموکورتی لە لیستی مووچەدا هەیە، مانگانە ناردنی مووچەی فەرمانبەرانی هەرێمی کوردستان دوادەخات.

لێدوانی فەرمی: تەیف سامی، وەزیری دارایی عێراق لە کۆبوونەوەیدا لەگەڵ ئیخڵاس دلێمی، جێگری سەرۆکی لیژنەی دارایی لە پەرلەمانی عێراق ڕایگەیاند: "هاوشێوەی هەموو فەرمانبەرانی دیکەی عێراق و لەسەر بنەمای بڕیاری دادگای فیدڕاڵی، بەردەوام دەبین لە خەرجکردنی مووچەی مانگانەی فەرمانبەرانی هەرێمی کوردستان".

لەلایەکی دیکە: فەرمانبەرانی هەرێمی کوردستان مووچەی مانگی حەوتیان لە مانگی نۆدا وەرگرت، پێشه‌وا هه‌ورامانی، گوته‌بێژی حكومه‌تی هه‌رێمی كوردستانیش بە ئاڤا نیوزی ڕاگەیاند: پێش 15ـی ئه‌م مانگه‌، مووچه‌ی مانگی هه‌شتی مووچه‌خۆرانی هه‌رێمی كوردستانیش لە بەغداوە ده‌گات و دەست بە دابەشكردنی دەکەین.