عێراق بڕیار لەبارەی کەمکردنەوەی هەناردەی نەوت دەدات

ئاڤا نیوز 

 

وەزارەتی نەوتی عێراق بڕیاریدا وەک پابەندبوونێک بە بڕیارەکانی ڕێکخراوی ئۆپیک، هەناردەی ڕۆژانەی نەوت بۆ 3.3 ملیۆن بەرمیل نەوت کەمبکاتەوە.

 

وێنە گەورەکە: پێشتر ڕێکخراوی ئۆپیک لە ڕاپۆرتی مانگانەی خۆیدا ئاشکرای کردبوو، پشکی ڕێگەپێدراوی عێراق بۆ هەناردەی نەوت چوار ملیۆن بەرمیل نەوتی ڕۆژانەیە، بەڵام مانگی تەمموز ئەو وڵاتە ڕۆژانە چوار ملیۆن و 250 هەزار بەرمیل نەوتی هەناردە کردووە.

 

ڕاگەیێنراوی فەرمی: وەزارەتی نەوتی عێراق بڵاویکردەوە: جگە لە کەمکردنەوەی هەناردەی نەوت، بەئامانجی  پابەندبوون بە بڕیارەکانی ڕێکخراوی ئۆپیک، بەرهەمهێنانی نەوت بۆ ناوخۆش کەمدەکەنەوە.

 

زانیاریی زیاتر: عێراق بڕیاریداوە لە کۆتایی ئەمساڵیش تاوەکو مانگی 10ی ساڵی 2025، بەتێکڕا 2.2 ملیۆن بەرمیل نەوت لە پشکی خۆی کەمتر هەناردە بکات، بەوەش قەرەبووی ئەو زیادە بەرهەمهێنانە دەکاتەوە کە لە حەوت مانگی ڕابردوودا کردوویەتی.