مامۆستایانی خوێندنی کوردی لە کەرکووک سكاڵای یاسایی تۆماردەكەن

ئاڤا نیوز

 

ژمارەیەک مامۆستای خوێندنی کوردی لە کەرکووک، بەرامبەر ڕێگری لە گواستنەوەی ڕاژەکانیان، داوای یاساییان لەسەر هەریەکە لە تەیف سامی، وەزیری دارایی عێراق و حکومەتی فیدڕاڵی لە دادگەی فیدڕاڵی تۆمار کرد. 

 

وێنە گەورەکە: بۆ پاڵپشتی خوێندنی کوردی لە پارێزگای کەرکووک و ناوچە کێشە لەسەرەکان، لەدوای ساڵی 2005-ەوە حکومەتی هەرێمی کوردستان ژمارەیەکی زۆر دەرچووی بۆ ناوەندەکانی خوێندن لەو ناوچانە دامەزراند. 

 

لێدوانی فەرمی: سامان مەجید، یاریدەدەری بەڕێوەبەری پەروەردەی کەرکووک بۆ کاروباری تەکنیکی ڕایگەیاند : نوسراوی فەرمیمان ئاراستەی هەردوو وەزارەتی پەروەردەو دارایی كرد بۆ ئەوەی ڕەچاوی بارودۆخی مامۆستایانی خوێندنی كوردی بكرێت لەكەركووك، سەرجەم داواکاریی مامۆستایان ڕەوانەی پەرلەمان کران، بەڵام پەراوێزخرا.

 

باکگراوند: بەڕێوەبەرایەتیی خوێندنی کوردی لە کەرکووک حەوت هەزار و 453 فەرمانبەر و مامۆستای هەیە و کۆی مووچەکانیان نزیکەی حەوت ملیار دینارە ، سەر بە میلاكی حكومەتی هەریمی كوردستانن و ژمارەی قوتابخانەکانی خوێندنی کوردی 500 قوتابخانەیە و نزیکەی 100 هەزار قوتابی تیایاندا دەخوێنن.