دارستانی ئەمازۆن لەبەردەم مەترسییەکی گەورەدایە

ئاڤا نیوز

دارستانی ئەمازۆن ڕووبەڕووی کۆمەڵێک فشاری جۆراوجۆر بووەتەوە، ئەمەش مەترسی دروستکردووە ڕەنگە تا ساڵی 2025 ببێتە هۆی داڕمانی بەرفراوانی دارستانەکە.

وێنە گەورەکە: دارستانی ئەمازۆن لە ئەمریکای باشوور کە 10%ی زیندەوەرە جۆراوجۆرەکانی جیهانی لەخۆگرتووە و دەیانپارێزێت، لە هەمانکاتدا یارمەتی سەقامگیرکردنی کەشوهەوای جیهان دەدات بە کۆکردنەوە و لەخۆگرتنی ڕێژەیەکی یەکجار زۆری دوانە ئۆکسیدی کاربۆن و دەردانەوەی ئۆکسجین.

ئەوەی ئێستا ڕوودەدات: فشاری جۆراوجۆری وەک بڕینی دار، وشکەساڵی، ئاگرکەوتنەوە و بەرزبوونەوەی پلەکانی گەرما توانای دارستانەکانی ئەمازۆنیان بۆ بەرگەگرتن کەمکردووەتەوە، ئەمەش کاریگەری ڕاستەوخۆی دەبێت لەسەر گەرمبوونی زەوی.

توێژینەوەی فەرمی: لە نوێترین توێژینەوەدا کە لە گۆڤاری "Nature" بڵاوکراوەتەوە، گرووپێک پسپۆڕی نێودەوڵەتی مەزەندەیان کردووە 10 - 47%ی ئەمازۆن تا ساڵی 2025 بەهۆی کارەساتە بەردەوامەکان گۆڕانکاری بەسەر بێت.

لێدوانی فەرمی: بێرناردۆ فلۆریس، نووسەر لە زانکۆی فیدراڵی سانتا کاتارینا دەڵێت: ئێمە لە خاڵێکی وەرچەرخانی گەورە نزیک دەبینەوە، ئەمەش بەهۆی ئەو گۆڕانکارییانەی لە کەشوهەوا و گەرمبوونی زەویدا ڕوودەدەن.