سامی هادی: فستیڤاڵی گەلاوێژ دەکرێت و بەردەوامین لە وەرگرتنی بەرهەم

ئاڤا نیوز

 

بەهۆی داگیرکردنی ئۆفیسی چاودێر قسە و باسی زۆر لەسەر فستیڤاڵی گەلاوێژ دەکرێت، ئەندامێکی دەستەی باڵای فێستیڤاڵەکە دەڵێت بەردەوامن لە وەرگرتنی بەرهەم.

 

وێنە گەورەکە: ئێوارەی ڕۆژی 05-09-2024، هێزێکی سەر بە یەکێتی دەستی بەسەر نووسینگەی ناوەندی چاودێر لە سلێمانی گرت، کە بنکە و سایتی گەلاوێژی تێدایە.

 

لێدوانی فەرمی: سامی هادی، ئەندامی دەستەی باڵای فستیڤاڵی گەلاوێژ، بە ئاڤا نیوزی گوت: بڕیارە مانگی 12ـی ئەمساڵ فێستیڤاڵی گەلاوێژ لە سلێمانی بکرێت، بەرنامەی شوێن گۆڕین بۆ شارێکی دیکە لە ئارادا نییە، چونکە فێستیڤاڵەکە تایبەتە بە سلێمانی و بەردەوامین لە وەرگرتنی بەرهەم تاوەکو 25-10-2024.

 

زانیاریی بەدەستهاتوو: هەموو ئەرشیف و دۆکیۆمێنتەکان لە باڵەخانەی چاودێرە کە دەستی بەسەرداگیراوە.

لەلایەکی دیکەوە: سەرچاوەیەکی نزیک لە مەلا بەختیار بە ئاڤا نیوزی گوت: تاوەکو 10 ڕۆژی دیکە ڕوون دەبێتەوە فێستیڤاڵەکە لە سلێمانی دەکرێت، یان بۆ هەولێر دەگوازرێتەوە، یان بۆ ساڵی ئایندە دوادەخرێت.