بە چوار ڕێگا خۆت لە سپیبوونی قژ بپارێزە

ئاڤا نیوز

پسپۆڕانی تەندروستی سپیبوونی قژ بۆ چەند هۆکارێک دەگەڕێنەوە و گرنترینیان دڵەڕاوکێیە، چوار ڕێگاش بۆ خۆپاراستن دەخەنەڕوو و داوادەکەن لێیان دووربکەوینەوە.

 

بڵاوکراوەی فەرمی: نەڤرەس کۆیلان، پسپۆڕی نەخۆشییەکانی دڵ بڵاویکردووەتەوە: بۆ ئەوەی مرۆڤ پرۆسەی سپیبوونی قژ خاوبکاتەوە و خاوەنی قژێکی جوان و تەندروست بێت، پێویستە گرنگی بە خۆراک بدات و دووربکەوێتەوە لە دڵەڕاوکێ و جگەرەکێشان.

 

زانیاریی زیاتر: پڕۆفیسۆر د. نەڤرەس کۆیلان، سپیبوونی قژ دەگەڕێنێتەوە بۆ چەند هۆکارێک، لەوانە هۆکارە بۆماوەییەکان ئەگەر لە خێزاندا باوانەکان لە تەمەنێکی بچووک قژیان سپی بێت، ئەوا ئەگەری زۆرە منداڵەکانیشیان لە تەمەنێکی بچووک قژیان سپی بێت، هاوکات ئەم هۆکارانەش دەخاتەڕوو:

دڵەڕاوکێ: ئاستی بەرزی فشاری دەروونی و دڵەڕاوکی کاردەکاتە سەر بۆیەی میلانین، ئەمەش وادەکات پرۆسەی سپیبوونی قژ خێراتر بکات. 
 
کەمی خۆراک و ڤیتامین: بەدخۆراکی و کەمی هەندێک ڤیتامین دەبێتە هۆی زیادبوونی سپیبوونی قژ، بەتایبەت کەمی ڤیتامین B12 و ئاسن ئەم پرۆسەیە خێراتر دەکات.

جگەرەکێشان: جگەرەکێشان دەبێتە هۆی سپیبوونی پێشوەختەی قژ بە جۆرێک زیان بە خانەکانی میلانین دەگەیەنێت.

خواردن: خواردنە ناتەندروستەکان کاریگەریی نەرێنی دەخەنە سەر تەندروستی و سپیبوونی پێشوەختەی قژ.