هەردوو هەواڵگری ئەمریکا و بەریتانیا داوای ئاگربەستی غەززە دەکەن

ئاڤا نیوز 

 

بەرپرسانی دامەزراوە هەواڵگرییە دەرکییەکانی ئەمریکا و بەریتانیا داوا دەکەن ئاگربەست لە غەززە بێتە ئاراوە.

 

ڕاگەیێنراوی فەرمی: هەر یەکە لە ویلیام بێرنز، بەرپرسی ئاژانسی هەواڵگریی ئەمریکا و ڕیچارد موور، بەرپرسی هەواڵگریی دەرەکیی بەریتانیا لە وتارێکی هاوبەشدا ڕایانگەیاند، "لە پێناو کەمکردنەوەی گرژییەکان هەموو توانا هەواڵگرییەکانی خۆمان بەگەڕخستووە".

 

زانیاریی زیاتر: بێرنز و موور نووسیویانە دەکرێت بە ئاگربەستێک کۆتایی بە ئازار و گیانلەدەستدانی فەلەستینییە سیڤیلەکان بهێنرێت و بارمتەکان ئازاد بکرێن.

 

ئەوەی پێویستە بیزانیت: ویلیام بێرنز یەکێک بووە لەو کەسانەی لە دانوستانەکانی پەیوەست بە ئاگربەستی غەززە بەشدارییەکی کارای هەبووە. 

 

باکگراوند: دوای ئەوەی حەماس هێرشی کردە سەر ئیسرائیل، لە حەوتی ئۆکتۆبەری ساڵی ڕابردووەوە شەڕ لەنێوان ئیسرائیل و حەماس لە غەززەی فەلەستین بەردەوامە، تائێستا دەیان هەزار کەس کوژراون و برینداربوون.