پلەکانی گەرما لە عێراق بۆ ڕۆژانی داهاتوو بەرزتر دەبنەوە

ئاڤا نیوز

 

شارەزایەکی بواری کەشناسیی لە عێراق ئاشکرای دەکات تاوەکو چوار ڕۆژی دیکە پلەکانی گەرما لە ناوەڕاست و باشووری وڵات دوو پلە بەرز ببێتەوە و بگاتە 45 بۆ 47 پلەی سیلیزی، لە ڕۆژی سێشەممەوە ئەگەر باران بارین هەیە لە هەندێک ناوچەی هەرێمی کوردستان.

 

لێدوانی فەرمی: عەلی جابر زیادی، شارەزای بواری کەشناسیی عێراق ڕایگەیاند: لە ڕۆژی پێنجشەممە پلەکانی گەما دابەزین بەخۆیەوە دەبینێت و بارستەیەکی هەوای مامناوەند کە شنەبای پاییزە ڕوو لە وڵات دەکات و دەبێتە هۆی دابەزینی پلەی گەرما بۆ ئاستێکی نزم لە نێوان 39 بۆ 41 پلەی سیلیزی بەتایبەتی لە ڕۆژئاوا و ناوەڕاستی وڵات.

 

زانیاریی زیاتر: بەپێی پێشبینییەکانی ئەو کەشناسە، لە بەیانیاندا هەست بە هەوای مامناوەند دەکەین و شنەبای پاییز دەبێتە هۆی دابەزینی پلەی گەرمی بۆ 27 پلەی سیلیزی لە بەرەبەیاندا. لە هەندێک لە ناوچەکانی باکووری وڵاتیش لە ڕۆژی سێشەممەوە ئەگەری باران بارین هەیە.