وەزیرانی کاری هەرێمی کوردستان و عێراق پرسی مووچەی توێژێک تاوتوێ دەکەن

ئاڤا نیوز

 

وەزیرانی کار و کاروباری کۆمەڵایەتیی هەرێمی کوردستان و عێراق  لە هەولێر کۆدەبنەوە، تەوەری سەرەکی پرسی هاوتاکردنی مووچەی خاوەن پێداویستییە تایبەتەکانی هەرێمی کوردستانە بە عێراق.

 

لێداونی فەرمی: ئاریان ئەحمەد، گوتەبێژی وەزارەتی کاروباری کۆمەڵایەتی، بە ئاڤا نیوزی ڕاگەیاند: بڕیار بوو شاندێکمان سەردانی بەغدا بکات، بەڵام پلانەکە گۆڕا لە هەولێر لەگەڵ وەزیری کاروباری کۆمەڵایەتیی کۆدەبینەوە، پرسی هاوتاکردنی مووچەی خاوەن پێداویستیە تایبەتەکان یەکلایی دەکەینەوە.

 

زانیاریی زیاتر: بڕیارە لەسەر سێ تەوەر لەگەڵ وەزیری کاروباری عێراق گفتوگۆ بکەن، یەکەم هاوتاکردنی مووچەی خاوەن پێداویستیە تایبەتەکان، دووەم مووچەی خێزانە هەژار و کەمدەرامەتەکان کە ژمارەیان 88 هەزار خێزان دەبێت، سێیەم ماف و ئیمتیازی فەرمانبەرانی وەزارەتی کاروباری کۆمەڵایەتی.