ئەمریکا سێ درۆن و دوو سیستەمی مووشەکی حوسییەکان تێکدەشکێنێت

ئاڤا نیوز

هێرشەکانی ئەمریکا بۆ سەر پێگەی حوسییەکانی یەمەن بەردەوامن و لە 24  کاتژمێری ڕابردووشدا زیانی بەرچاویان بە توانای سەربازیی حوسییەکان گەیاندووە. 

 

ڕاگەیێنراوی فەرمی: فەرماندەیی ناوەندیی هێزەکانی ئەمریکا، سێنتکۆم، ڕایگەیاند: لە ماوەی 24  کاتژمێری ڕابردوودا سێ درۆن و دوو سیستەمی مووشەکیی حوسییەکانیان تێکشکاندووە. 

 

زانیاریی زیاتر: هێرشەکان کراونەتە سەر ئەو شوێنانەی یەمەن کە لە ژێر کۆنترۆڵی حوسییەکاندانن. 

 

ئەوەی پێویستە بیزانیت: حوسییەکان لەلایەن ئێرانەوە پاڵپشتیی دەکرێن و بە بەشێک لە هێزەکانی سەر بە ئێران دادەنرێن. 

 

باکگراوند: بە پاساوی بەرگریکردن لە خەڵکی غەززە، حوسییەکان کەشتییەکانی سەر بە ئیسرائیل لە کەنداوی عەدەن و دەریای سوور دەکەنە ئامانج.