واده‌ی كۆتایی كاره‌كانی یونیتاد له‌ عێراق ئاشكرا دەکرێت

ئاڤا نیوز

 

لەگەڵ نزیکبوونەوەی واده‌ی کۆتایی كاره‌كانی له‌ عێراق، تیمی بەرپرسی لێکۆڵینەوە و لێپرسینەوە لە تاوانەکانی داعش  'یونیتاد'، زانیاری ده‌رباره‌ی هاوكارێكانی بۆ هه‌ڵدانه‌وه‌ی گۆڕه‌ به‌كۆمه‌ڵه‌كان و پێناسه‌ی قوربانیان ئاشكراكرد .

 

وێنە گەورەکە:  به‌پێی ماڵپەڕی هەواڵی OCHAـی نەتەوە یەکگرتووەکان، تیمی UNITAD پاڵپشتی دارایی بە بەهای زیاتر لە 2.4 ملیۆن دۆلار پێشکەش به‌ عێراق کردووە بۆ کڕینی ئامێری شیکاری پێشکەوتوو، تاقیگەی پزیشکی دادوەری دیجیتاڵ، ئامێر و کەرەستەی تایبەتمەند بۆ بەڵگەنامەکردن و شیکردنەوەی گۆڕە بەکۆمەڵەکان .

 

لێدوانی فەرمی: ئانا پیرۆ لۆبیس، سەرۆکی تیمی لێکۆڵینەوەی نەتەوە یەکگرتووەکان بۆ لێپرسینەوە لە تاوانەکانی داعش لە عێراق "یونیتاد" ڕایگەیاند: دوای تەواوبوونی ئەرکی تیمی نەتەوە یەکگرتووەکان له ‌عێراق مانگی داهاتوودا، به‌غدا ڕۆڵێکی یەکلاکەرەوە دەبینێت لە پێناسه‌ی تاوانه‌كانی داعش له‌سه‌ر ئاستی جیهاندا بۆ ئه‌وه‌ی لێپرسینەوە لە تاوانباران بكرێت.

 

زانیاری زیاتر: بەگوێرەی ڕاپۆرتی نەتەوە یەکگرتووەکان، هاوکارییەکانی ڕێکخراوی یونیتاد ڕۆڵی سه‌ره‌كی هه‌بووه‌ بۆ هەڵدانه‌وه‌ی 68 گۆڕی بەکۆمەڵ و دەرهێنانی ڕوفاتی زیاتر لە 900 قوربانی و کۆکردنەوەی بەڵگە لەو شوێنانە.