هواوی ڕێوڕەسمی ناساندنی ئایفۆن 16 تێکدەدات

ئاڤا نیوز

 

ئەمشەو جیهان چاوەڕێی خستنە بازاڕی ئایفۆن 16 بوو، بەڵام هواوی گەورە کۆمپانیای چینی چاوەڕێی شکاندنی خۆشییەکەی ئەپڵ بوو.

 

وێنە گەورەکە: تاوەکو تەکنەلۆژیا پێشکەوتووتر دەبێت، کێبڕکێی نێوان کۆمپانیا گەورەکانی ئەم بوارەش گەرمتر دەبێت، لەم ڕووەشەوە ئەمشەو لەکاتی نمایشکردنی ئایفۆن 16 هواوی بە بەرهەمێکی نوێ بەرامبەر بە ئەپڵ وەستایەوە. 

 

زانیاریی بەدەستهاتوو: کۆمپانیای ئەپڵ بەرهەمە نوێیەکەی بەناوی ئایفۆن 16 نمایش کرد، کە بە ژیری دەستکرد پەرەی پێدراوە، لە بەرامبەردا کۆمپانیای هواوی نوێترین بەرهەمی خۆی دەخاتە بازارەوە بەناوی MATE XT ئەویش بە ژیری دەستکرد بەهێزکراوە. 

 

زانیاریی زیاتر: تا ئێستا هواوی XT نزیکەی سێ ملیۆن داواکاری پێشوەختەی تۆمارکردووە و بەمەش ئەپڵ 1.25% پێگەی خۆی لە بازاڕە جیهانییەکان لەدەست داوە. 

 

ڕاگەیێندراوی فەرمی: بن باجارین، شرۆڤەکاری سەرەکی کۆمپانیای کرێتیڤ ستراتیژی دەڵێت: "بازاڕی چین لە بازاڕی ئەمریکا زیاتر چاوەڕێی تایبەتمەندییەکانی ژیری دەستکرد دەکات، بۆیە ئەپڵ کاری قورسترە".