پارەی شەش مانگی مامۆستایانی زانکۆی سەڵاحەدین خەرج دەکرێت

ئاڤا نیوز

 

بەفەرمانی سەرۆکوەزیران بارزانی، پارەی شەش مانگی وانەی زیادەی مامۆستایانی زانکۆی سەڵاحەدین خەرجکرا.

 

وێنە گەورەکە: ساڵانە لە زانکۆکان لەپاڵ بەشە وانەی دیاریکراو بۆ هەر مامۆستایەک، پارەی زیادە بۆ هەر مامۆستایەک تەرخان دەکرێت کە وانەی زیادە دەڵێنەوە.

 

لێدوانی فەرمی: د.کامەران یونس، سەرۆکی زانکۆی سەڵاحەدین بە ئاڤا نیوزی ڕاگەیاند: ئەو پارەیەی تەرخانکراوە هی شەش مانگی ساڵی 2023 بوو کە لای حکومەت بووە، بەڵام سەرۆکوەزیران بارزانی ڕەزامەندیدا لەسەر خەرجکردنی بڕی یەک ملیار و 514 ملیۆن و 15 هەزار دینار خەرجکراوە.

 

زانیاری زیاتر: سەرۆکی زانکۆی سەڵاحەدین دەڵێت: بەمزووانە پارەکە دابەش دەکرێت و بۆ پارەی ئەمساڵیش بەشی زۆری پارەی بەشە وانەی زیادە دابەشکراوە.

 

بۆچی گرنگە: لەدابەشکردنیی پارەی بەشە وانەی زیادە زیاتر لە دوو هەزار مامۆستا سوودمەند دەبن.