هەولێر و بەغدا سیستمی باج یەکدەخەن

ئاڤا نیوز

دەستەی گشتیی باجەکان لە عێراق ڕایگەیاند، دوای کۆبوونەوەی هەردوو ئەنجوومەنی ئابووریی عێراق و هەرێمی کوردستان، هەولێر و بەغدا بڕیاریان دا لە هەفتەی داهاتووەوە یەک سیستمی باج جێبەجێ بکەن.

وێنە گەورەکە: ڕۆژانی 8 و 9 ئەم مانگە، ژمارەیەک کۆبوونەوە لە نێوان هەردوو ئەنجوومەنی وەزاریی عێراق بۆ کاروباریی ئابووری و ئەنجوومەنی ئابووریی هەرێمی کوردستان لە شاری هەولێر بەڕێوەچوون، چەند ڕێککەوتنێک کران و دوێنێش ڕاسپاردەکان لە کۆبوونەوەی ئەنجوومەنی وەزیرانی عێراق پەسەندکران.

ڕاگەیێنراوی فەرمی: دەستەی گشتی باجەکان لە عێراق بڵاویکردەوە، لە هەفتەی داهاتووەوە هەرێمی کوردستان و عێراق لە هەموو بوارەکانی وەرگرتنی باجدا، پەیڕەوی لە یەک سیستمی باجی هاوبەش دەکەن.

زانیاریی زیاتر: بەگوێرەی ڕێککەوتنەکە و پاڵپشت بە یاسای وەزارەتی خوێندنی باڵا ژمارە 25ی ساڵی  2016، زانکۆ و کۆلێژە تایبەتییەکانیش بەیەک سیستمی هاوبەش باجیان لێوەردەگیرێت.