عێراق هەزاران فەرمانبەری نەخوێندەوای هەیە

ئاڤا نیوز

 

دەستەی کارگێڕی بۆ بنبڕکردنی نەخوێندەوای لە عێراق ئامارێکی جیاواز بڵاودەکاتەوە، سەبارەت بەو فەرمانبەرانەی پەیوەندییان بە ناوەندەکانی نەخوێندەوارییەوە کردووە.

 

وێنە گەورەکە: عێراق کار ئاسانی بۆ هەموو هاووڵاتییان کردووە تاوەکو سوودمەندبن لە خوێندنی بەخۆڕای لە ناوەندە حکومییەکان، هەروەها چەندین ناوەندی ئەهلیش هەن بۆ خوێندن و خوێندەواری، بەڵام بەپێی ئامارەکانی وەزارەتی پلاندانانی عێراق سەدان هەزار نەخوێندەوار لە سەرتاسەری وڵات هەن.

 

لێدوانی فەرمی: موزاحیم جاسم، سەرۆکی دەستەی کارگێڕی بۆ بنبڕکردنی نەخوێندەواری لە عێراق بە ئاڤا نيوزی ڕاگەیاند: بۆ بنبڕکردنی نەخوێندەواری لە نێو فەرمانبەرانی دەوڵەتدا،  ناوەندی نەهێشتنی نەخوێندەواریمان لە سەرجەم وەزارەت و دەزگا حکومیەکان کردووەتەوە. 

 

لەلایەکی دیکەوە:  33 هەزار و 655 فەرمانبەری دەوڵەت، پەیوەندییان بە ناوەندەکانی بنبڕکردنی نەخوێندەواری کردووە بۆ ساڵی خوێندنی 2023-2024.