بەریتانیا ئۆکراینا پڕچەک دەکات

ئاڤا نیوز

 

وەزارەتی دەرەوەی بەریتانیا ڕایگەیاند، لەمساڵدا، سەدان مووشەک بۆ ئۆکراینا دەنێرێت، ئەمەش لە چوارچێوەی هاوکارییە سەربازییەکانی وڵاتانی ڕۆژئاوا بۆ کیێڤ دێت.

 

بۆچی گرنگە: بڕیاری ناردنی ئەو مووشەکانە لەلایەن بەریتانیاوە بۆ ئۆکراینا دوای ئەوە دێت دەنگۆی ئەوە هەیە کە ئێران مووشەکی کورت مەودای بۆ ڕووسیا ناردبێت.

 

لێدوانی فەرمی: دەیڤد لامی، وەزیری دەرەوەی بەریتانیا، لەمیانی کۆنگرەیەکی ڕۆژنامەوانیدا لە کیێڤ گوتی: دەتوانم ڕایبگەیێنم کە ئێستا سەدان مووشەکی بەرگری ئاسمانیی و دەیان هەزار تەقەمەنی و زرێپۆشی زیاتر بۆ ئۆکرانیا دەنێرین.  

 

ئەوەی ئێستا ڕوودەدات: سوپای ئۆکراینا هێرشی پێچەوانەی دەستپێکردووە و پێشبینی دەکرێت، ئەو هاوکارییە سەربازییانەی بەریتانیا یارمەتیدەری باش بێت بۆ پێشڕەوی زیاتری هێزەکانی  ئۆکراینا بۆ نێو قوڵایی خاکی ڕووسیا.