شوێنەواری کۆنترین کەنیسە لە عێراق مەترسی لەناوچوونی لەسەرە

ئاڤا نیوز

 

شوێنەواری کەنیسەی ئەقیسەر لە پارێزگای کەربەلا مەترسی لەناوچوونی لەسەرە کە بە یەکێک لە کۆنترین شوێنەوارە مەسیحییەکان لە عێراق دادەنرێت، مێژووی دروستکردنی دەگەڕێتەوە بۆ سەدەی پێنجەمی زایینی.

 

ڕاگەیێنراوی فەرمی: دەستەی گشتیی شوێنەوار و کەلەپووری عێراق بڵاوی کردەوە: بەهۆی کاریگەریی گۆڕانی کەشوهەواوە شوێنەواری کەنیسەی "ئەقیسەر" کە تەمەنی زیاتر لە 1500 ساڵە هەڕەشەی لەناوچوونی لەسەرە.

 

لێدوانی فەرمی: مونتەسیر حەسناوی، بەڕێوەبەری گشتیی کۆشکی کۆنفڕانسەکان و سەرۆکی تیمی گۆڕانی کەشوهەوا لە وەزارەتی ڕۆشنبیریی عێراق ڕایگەیاند: بە هەماهەنگی لەگەڵ مامۆستایانی پسپۆڕی زانکۆی کوفە و ژمارەیەک توێژەری پەیوەندیدار بە کاروباری شوێنەوار لێکوڵینەوەیان لەسەر ئەم پرسە دەستیپێکردووە .

 

ئەمەش بزانە: شوێنەواری کەنیسەی ئەقیسەر دەکەوێتە بیابانەکانی شارەدێی عەین تەمرەوە، بە دووری 70 کیلۆمەتر لە باشووری ڕۆژئاوای شاری کەربەلا.