یەکەم تووشبووی ئاوڵەی مەیموون لە وڵاتی مەغریب تۆمار کرا

ئاڤا نیوز

 

وەزارەتی تەندروستیی مەغریب یەکەم تووشبووی نەخۆشیی "ئاوڵەی مەیموون"ـی لە وڵاتەکەی ڕاگەیاند.

 

ڕاگەیێنراوی فەرمی: وەزارەتی تەندروستیی مەغریب ڕایگەیاند: لە چوارچێوەی هۆشدارییەکانی ڕێکخراوی تەندروستیی جیهانی لەبارەی ڕێکارەکان بۆ ڕێگەگرتن لە بڵاوبوونەوەی نەخۆشیی ئاوڵەی مەیموون، لە شاری مەراکشی پایتەختی مەغریب تووشبوویەک بە نەخۆشیی ئاوڵەی مەیموون تۆمار کرا، نەخۆشەکە ڕەوشی تەندروستی جێگیرە. 

 

زانیاریی زیاتر: توشبووەکە چاودێرییەکی پزیشکی وردی بۆ دەکرێت، بەمەبەستی دڵنیابوون لە دۆخی تەندروستی، هەروەها ڕێکارە پزیشکییەکانی بەپێی ستانداردی نێودەوڵەتی بۆ دەکرێت.

 

ئەوەی پێویستە بیزانیت: بۆ ڕێگریکردن لە بڵاوبوونەوەی نەخۆشیی ئاوڵەی مەیموون، پێویست بە گرتنەبەری ڕێوشوێنەکانی خۆپارێزی، وەک دەستشۆردنی بەردەوام، دوورکەوتنەوە لە بەرکەوتنی ڕاستەوخۆ لەگەڵ کەسانی تووشبوو یان گومانلێکراو، دڵنیابوون لە پاک و خاوێنی دەبێت.