واشنتن زیاتر لە 30 فڕۆکەی ئێف 35 بە ڕۆمانیا دەفرۆشێت

ئاڤا نیوز

 

وزارەتی دەرەوەی ئەمریکا ڕەزامەندی نیشانداوە بۆ فرۆشتنی 30 فڕۆکەی جەنگی ئێف-35 بە ڕۆمانیای ئەندامی ناتۆ لەکۆی داواکاری بۆ کڕینی 32 فڕۆکە، بە بەهای ملیار 7.2 دۆلار, گرێبەستەکە پێویستی بەوەیە لەلایەن کۆنگرێسی ئەمریکاوە پەسند بکرێت.

 

وێنە گەورەکە: ڕاگەیاندنی ئەم ڕێککەوتننامەیە لەکاتێکدایە کە دەستەیەک لە فڕۆکەوانانی ئۆکرانیا لە ڕۆمانیا دەستدەکەن بە مەشق و ڕاهێنان لەسەر فڕۆکەی جۆری ئێف - 16، ئەمەش لە کاتێکدایە واشنتن ڕێگەی بە کیێڤ داوە لە ڕووبەڕووبوونەوەکانی لەگەڵ ڕووسیا ئێف - 16 بەکاربهێنێت.

 

ڕاگەیێنراوی فەرمی: لە بەیاننامەیەکی وەزارەتی دەرەوەی ئەمریکادا هاتووە: ئەم ڕێککەوتنە پێشنیار کراوە پاڵپشتی لە سیاسەتی دەرەوە و ئامانجەکانی ئاسایشی نەتەوەیی ئەمریکا دەکات، بە باشترکردنی ئاسایشی هاوپەیمانێک لەناو ناتۆ کە هێزێکی گرنگە بۆ سەقامگیری سیاسی و ئابووری لە ئەوروپا.

 

باکگراوند: ڕۆمانیا لە مانگی 11ی 2023دا، ناوەندێکی مەشقی فڕۆکەی ئێف 16ـی لە بنکەی ئاسمانی ڤێکتی کردەوە و بەڵێنیدا لەوێش راهێنان بە فڕۆکەوانە ئۆکراینییەکان بکات.