سعودییە یەکەم نەشتەرگەری چاندنی دڵ بە ڕۆبۆت ئەنجام دەدات

ئاڤا نیوز 

 

نەخۆشخانەیەکی سعودییە توانی بۆ یەکەمین جار نەشتەرگەریی چاندنی دڵ لە ڕێگەی ڕۆبۆت بۆ مێردمنداڵێکی خوار 16 ساڵ ئەنجام بدات. 

 

وێنە گەورەکە: لەم ساڵانەی دوایی بەکارهێنانی ژیری دەستکرد و ڕۆبۆت لە بوارە پزیشکییەکان گەیشتووەتە ئاستێکی پێشکەوتوو، بە ڕادەیەک بۆ هەندێک نەشتەرگەری بە تەواوەتی پشتی پێبەستراوە. 

 

لێدوانی فەرمی: دڵ دکتۆر مەجید ئەلفەیز،  بەڕێوەبەری جێبەجێکاری نەخۆشخانەی شا فەیسەڵ ڕایگەیاند: ئەم نەشتەرگەرییە تەنیا سێ کاتژمێری خایاندووە و سەرکەوتوو بووە، ئەم دەستکەوتەش پێشکەوتنێکی گرنگە لە بواری تەندروستی لەسەر ئاستی سعودییە و جیهان. 

 

بۆچی گرنگە: بەکارهێنانی ڕۆبۆت لەم جۆرە نەشتەرگەرییە یارمەتی زوو چاکبوونەوەی نەخۆشەکە دەدات و بە ماوەیەکی کورتیش برینەکە ساڕێژ دەبێت. 

 

ئەوەش بزانە: نەخۆشەکە تەمەنی 16 ساڵ بووە و لەکاتی گەیاندنی بە نەخۆشخانە باری تەندروستی ناجێگیر بووە، ئێستا باشتر بووە.