لە کەربەلا دەست بەسەر بڕێکی زۆری دراوی ساختەدا دەگیرێت

ئاڤا نیوز 

 

دوو تۆمەتبار بە بڕێکی زۆری دراوی ساختەوە لە پارێزگای کەربەلا دەستگیر کران، تۆمەتبارەکان ئەو پارەیەیان لە دەرەوەی پارێزگاکە بردووەتە کەربەلا و ویستوویانە هەر لەوێ ساغی بکەنەوە.

 

ڕاگەیێنراوی فەرمی: ئاژانسی هەوڵگری و لێکۆڵینەوەی فیدراڵیی عێراق ڕایگەیاند: بە پشتبەستن بە زانیاری وردی هەواڵگریی، هێزەکانی سەر بە بەرەنگاربوونەوەی تاوانە ڕێکخراوەکان لە پارێزگای کەربەلا، توانیان دوو تۆمەتبار دەستگیر بکەن و دەستیش بەسەر بڕە پارەیەکی زۆری ساختەکراودا بگرن.

 

زانیاریی زیاتر: بەگوتەی ئاژانسەکە لە لێکۆڵینەوە سەرەتاییەکان تۆمەتبارەکان دانیان بەوەدا ناوە ئەو پارەیەی لەلایەن بووە ساختە بووە و ویستوویانە لەناو کەربەلا ساغی بکەنەوە.