دەزگای هەواڵگریی تورکیا و بزووتنەوەی حەماس کۆدەبنەوە

ئاڤا نیوز

میدیای فەرمی تورکیا بە پشت بەستن بە سەرچاوە تایبەتییەکانی لەناو دەزگای هەواڵگریی تورکیا، باس لە کۆبوونەوەی نێوان ئیبراهیم کاڵن، سەرۆکی دەزگای هەواڵگریی تورکیا (میت) و سەرکردەکانی مەکتەبی سیاسی حەماس دەکات، بەبێ ئەوەی زانیاریی زیاتر لەسەر شوێن و کاتی کۆبوونەوەکە بخاتەڕوو .

 

وێنە گەورەکە: ئەم کۆبوونەوەیە لە چوارچێوەی پەرەدان بە پەیوەندییەکانی نێوان هەردوو لایەنە، کە لە دەستپێکی شەڕی بزووتنەوەی حەماس و ئیسرائیل، تورکیا لە بەرەی حەماس لە دژی ئیسرائیل وەستاوە.

 

ناوەڕۆکی کۆبوونەوەکە: هەردوولا پرسی ئاگربەستی غەززەیان تاوتوێ کردووە، پشتیوانییەکانی ئەمریکا بۆ ئیسرائیل بە هۆکار دەزانن کە ئاگربەست لە کەرتی غەززە ناچێتە بواری جێبەجێکردن.

 

ئەوەی ئێستا ڕوودەدات: تورکیا هاوشان لەگەڵ وڵاتانی نێوەندگیر، قەتەر، میسڕ، ئەمریکا، هەوڵ دەدەن حەماس و ئیسرائیل لەسەر یەک مێز کۆبکەنەوە، لە پێناو گەیاندنی یارمەتییە مرۆییەکان بەو خەڵکەی هێشتا دەرفەتی ژیانکردنیان لەو کەرتە ماوە.