ساڵانە هەزاران کەس بەهۆی ئەنفلۆنزاوە گیان لەدەست دەدەن

ئاڤا نیوز 

 

ڕێکخراوی تەندروستیی جیهانی ڕێنمایی نوێ بۆ چاودێریکردنی نەخۆشی ئەنفلۆنزای وەرزی بڵاودەکاتەوە.

 

چیرۆکی سەرەکی: ئەنفلۆنزا نەخۆشییەکی ڤایرۆسییە، لە زۆرینەی وڵاتانی جیهاندا بەپێی گۆڕانکارییە ژینگە و وەرزییەکان بەخێرایی بڵاودەبێتەوە، هەر بەگوێرەی داتای ڕێكخراوی تەندروستیی جیهانی، ساڵانە نزیکەی یەک ملیار کەس تووشی ئەم پەتایە دەبن.

 

ژمارەکان وادەڵێن:  ساڵانە 290 بۆ 650 هەزار تووشبوو بەهۆی پەتای وەرزییەوە گیان لەدەستدەدەن.

 

ئەوەی پێویستە بیزانیت: بەشێک لە ئاژەڵانیش دووچاری پەتای وەرزی دەبنەوە و هەندێک جاریش دەیگوازنەوە بۆ مرۆڤ.

 

زانیاریی زیاتر: ڕێنماییە نوێیەکانی ڕێکخراوی تەندروستیی جیهانی، چەند پێشنیازێک سەبارەت بە ئەنفلۆنزا لەخۆدەگرێت کە ئەمانەن:- بەکارهێنانی دەرمانی دژەڤایرۆس، بەکارهێنانی دەرمانە ستیرۆیدەکان بۆ ڕێکخستنی سیستمی بەرگریی لەش.