لە چوار ساڵدا 357 هەزار تەڵاق لە عێراق تۆمارکراون

ئاڤا نیوز 

 

لە چوار ساڵی ڕابردوودا 357 هەزار و 887 تەڵاق لە هەموو پارێزگاکانی عێراق، جگە لە هەرێمی کوردستان تۆمارکراون، ئەمەش کاریگەریی کردووەتەوە سەر سەقامگیریی خێزان و کۆمەڵگە. 

 

وێنە گەورەکە: دیاردەی جیابوونەوە لە عێراق لە ئاستێکی بەرزدایە، ساڵ بە ساڵ ژمارەکە زیاد دەکات و ڕێکخراوەکانی کۆمەڵگەی مەدەنیش داوا لە حکومەت و پەرلەمان دەکەن، ڕێکاری پێویست بگرنەبەر بۆ سنووردارکردنی ئەم دیاردە مەترسیدارە.

 

ڕاگەیێنراوی فەرمی: فازڵ غەراوی، سەرۆکی ناوەندی ستراتیژیی بۆ مافەکانی مرۆڤ لە عێراق، دوای بڵاوکردنەوەی ئامارەکە، داوا لە حکومەت و پەرلەمان دەکات بەشێک لە ماددەکانی یاسای باری کەسی هەمووار بکەنەوە و هەڵمەتی هۆشیارکردنەوە لەبارەی مەترسی و زیانەکانی جیابوونەوە ڕابگەیێنن.

 

ژمارەکان وا دەڵێن: بەپێی ئاماری ئەنجوومەنی باڵای دادوەریی عێراق، ئاماری ساڵانەی جیابوونەوە بەمشێوەیەن:

2021: 73 هەزار و 155 جیابووە.
2022: 68 هەزار و 410 جیابوونە.
2023: 71 هەزار و 16 جیابوونەوە.

لە حەوت مانگی یەکەمی ئەمساڵیش 45 هەزار و 306 خێزان لە عێراق جیابوونەتەوە.

 

باکگراوند: لە نێوان ساڵەکانی 2004 بۆ 2014 لە هەر پێنج پرۆسەی هاوسەرگیرییەک، یەکێکیان جیابوونەوەی لێکەوتووەتەوە، بەشێوەیەک لە کۆی دوو ملیۆن و 600 هەزار هاوسەرگیری، 516 هەزار و 784 خێزان جیابوونەتەوە .