لە ئەوروپا بەهۆی لافاو 10 هەزار کەس ئاوارە دەبن

ئاڤا نیوز

 

بەهۆی بارانی بەخوڕ کە لە سەد ساڵی ڕابردوو لە ناوەڕاست و ڕۆژهەڵاتی ئەوروپا نموونەی نەبووە، زیانێکی گەورە بەر وڵاتانی پۆڵەندا، چیک، نەمسا، ڕۆمانیا، سلۆڤاکیا و ئەڵمانیا کەوت و لانیکەم حەوت کەس بوونە قوربانی.  

وێنە گەورەکە: زریانی بۆریس کە لە ئەنجامی نزمبوونەوەی پەستانی هەوا لە باشوور و ڕۆژهەڵاتی ئەوروپا دروست بووە، بووەتە هۆی بارانبارینێکی بەخوڕ کە زۆربەی شارە گەورەکانی باشوور و ڕۆژهەڵاتی ئەوروپای گرتووەتەوە. 

زانیاریی زیاتر: ئاستی ئاوی ڕووبارەکان بەرزبووەتەوە و سەرڕێژ بوونە بۆ ناو شارەکان، ئەمەش بووەتە هۆی داخستنی ڕێگاکان و گرفتی هاتووچۆ، لەهەمان کاتدا زریانەکە بووەتە هۆی ئاوارەبوونی 10 هەزار کەس لە چیک  و تێکچوونی چەند پردێک لە پۆڵەندا. 

 

ڕاگەیێندراوی فەرمی: پێتر فیلارا، سەرۆکوەزیرانی چیک دوای کۆبوونەوە لەگەڵ لیژنەی ناوەندی قەیرانەکان دەڵێت: " دەبێت ئامادە بین بۆ خراپترین سیناریۆ و چەند ڕۆژێکی سەختمان لە پێشە". 

 

ئەوەی چاوەڕوان دەکرێت: شەپۆلەکە بەردەوامە و چاوەڕێ دەکرێت بگاتە هەنگاریا.