دژەتیرۆری کوردستان: لە بۆردوومانەکەی مەخموور چەکدارێکی پەکەکە کوژراوە

ئاڤا نیوز

 

پێشنیوەڕۆی ئەمڕۆ لە ئەنجامی بۆردوومانی فڕۆکەی بێفڕۆکەوانی تورکیا بۆ سەر بنکەیەکی چەکدارانی پەکەکە لە مەخموور کەسێک کوژراوە.

 

چیرۆکی سەرەکی: ئەمڕۆ دووشەممە، کاتژمێر 9:45ی بەیانی، فڕۆکەی بێفڕۆکەوانی سوپای تورکیا بنکەیەکی کۆبوونەوەی چەکدارانی پەکەکەی لە کەمپی مەخموور کردە ئامانج.

 

ڕاگەیێنراوی فەرمی: دژەتیرۆری کوردستان ڕایگەیاند،، بەهۆی ئەو بۆردوومانە چەکدارێک کوژراوە و دووانی دیکەش بریندار بوون کە لە نێو کوژراو بریندارەکاندا بەرپرسی پەکەکە هەیە.

 

ئەوەی پێویستە بیزانیت: کەمپی مەخموور تایبەتە بە ئاوارەکانی باکووری کوردستان و لە ساڵی 1998ـەوە لە بناری چیای قەرەچووغ لە ڕۆژهەڵاتی مەخموور دروستکراوە، ناوە ناوە دەبێتە ئامانجی فڕۆکە جەنگییەکانی تورکیا.