چیتر ڕێگە بە پەنابەرانی ئەڵمانیا نادرێت پارە بۆ كەسوكاریان بنێرنەوە

ئاڤا نیوز

دەسەڵاتدارانی ئەڵمانیا  بۆ ئەوەی پەنابەران پارە نەنێرنەوە بۆ کەسوکاریان، لە دەرەوەی وڵات پێدانی پارەی نەختینە ڕادەگرێت و لەڕێگەی کارتێکەوە پارەیان دەداتێ.

وێنە گەورەکە: بۆ ئەوەی پارەی نەختینە لە وڵاتەکەیان کەم نەکات و نەچێتە دەرەوە، حکومەتی ئەڵمانیا ڕێگری لە ناردنەوەی پارە دەکات لەو پەنابەرانەی کە پارە بۆ کەسوکارەکانیان دەنێرنەوە، بۆچارەسەرکردنی ئەم گرفتەش پارەکە بەشێوەی کارتی ئەلیکترۆنی بەڕێژەیەکی زۆر کەم دەخاتە سەر هەژمارە بانکییەکانیان.

ئەوەی پێویستە بیزانیت: میدیاکانی ئەڵمانیا بڵاویانکردەوە، بەپێی بڕیارێک کە دەسەڵاتدارانی وڵاتەکە داویانە، لەمەولا پەنابەران ناتوانن پارە بنێرنەوە، چونکە زۆرجار کۆچبەران  پارە بۆ کەسوکاریان دەنێرن لە وڵاتێکی دیکە.

بۆلەمەودوا پەنابەران دەتوانن شێوازی نوێی پارەدان لە ئەڵمانیا بەکاربهێنن، بەڵام گواستنەوەی پارە بۆ کارتێکی دیکە و لە وڵاتێکی دیکەوە مەحاڵ دەبێت و رێگە پێدراویش نییە.

باکگراوند: ئەڵمانیا یەکێکە لەو وڵاتانەی کە زۆرترین پەنابەری ڕۆژهەڵاتی ناوەڕاستی لەخۆ گرتووە، لەماوەی دەساڵی ڕابردوودا زیاتر لە 95 هەزار پەنابەر چوونەتە ناو خاکی ئەو وڵاتەوە.