کۆمیسیۆن لەبارەی دوو بەربژێر بڕیار دەدات

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق بەربژێرێکی هاوپەیمانیی نیشتمانی لە کێبڕکێی هەڵبژاردنی پەرلەمانی کوردستان دوورخستەوە.

 

وێنە گەورەکە: ئەنجوومەنی کۆمیسیاران سەبارەت بە لیستی بەربژێرانی هەڵبژاردنی پەرلەمانی کوردستان دوو بڕیاری دەرکرد؛ یەکەمیان دوورخستنەوەی بەربژێری ژمارە 25ـی هاوپەیمانیی نیشتمانی بوو.  دووەمیشیان هەڵوەشاندەوەی بڕیاری دوورخستنەوەی شڤان سەعید، بەربژێری لیستی نەوەی نوێ بوو لەسەر بازنەی پارێزگای دهۆک.

 

ئەوەی پێویستە بیزانیت:  بەربژێرەکەی هاوپەیمانیی نیشتمانی ناوی 'ئەحمەد مەحموود ئەمین'ـە کە لە بازنەی سلێمانی خۆی بەربژێر کردبوو.

 

هۆکارە زانراوەکان: بەربژێرەکەی هاوپەیمانی نەیتوانیوە لە بەڕێوەبەرایەتی بەڵگەی تاوانی بەغدا بیسەلمێنێت کە شیاوە تاوەکو ببێتە بەربژێر.