کەمی مەگنیسیۆم مەترسی تووشبوون بە زەهایمەر و شەکرە زیاد دەکات

ئاڤا نیوز

 

مەگنیسیۆم بە یەکێک لەو کانزا گرنگانە دادەنرێت کە بۆ دروستکردنی وزە لە لەشی مرۆڤ ڕۆڵێکی گرنگ دەگێڕێت، بەگوێرەی توێژینەوەیەکی ئوستراڵی کەمی کانزاکە دەبێتە هۆی کۆمەڵێک نەخۆشی درێژخایەنی وەک: زەهایمەر و شەکرە.

ئەوەی پێویستە بیزانیت: ڕێژەی مەگنیسیۆم لە لەشی مرۆڤ لە نێوان 22-26 گرامە، کە ڕۆڵێکی گەورەی هەیە لە ڕێکخستنی پەستانی خوێن، هاوسەنگی شەکرەی خوێن، بەرهەمهێنانی پرۆتین، دی ئێن ئەی و بەرهەمهێنانی وزە.

مەترسییە پێشبینیکراوەکان: ناڕێکی سیستەمی خواردن دەبێتە هۆکاری کەمی مەگنیسیۆم، کە دیارترین نیشانەکانی بریتین لە: هەستکردن بە لاوازی، ئازاری ئێسك، ئازاری ماسوولکە، کەمبوونی ئارەزووی خواردن و سڕبوونی قاچەکان.

چارەسەرەکان: خواردنەوەی ئاوی زۆر، خواردنی سەوزاوات و بەرهەمە ئاژەڵییەکان ڕێژەی مەگنیسیۆم لە جەستەدا بەرزدەکەنەوە.