سەرۆككۆماری عێراق پارێزگاری هەڵبژێردراوی سەڵاحەدین ڕەتدەكاتەوە

ئاڤا نیوز

لەتیف ڕەشید، سەرۆككۆماری عێراق،  ڕەتیكردەوە فەرمانی سەرۆكایەتی دەربكات بۆ دەستنیشانكردنی ئەحمەد جبوری ناسراو بە "ئەبو مازن" وەك پارێزگاری سەڵاحەدین.

نوسراوی فەرمیی: بەپێی نووسراوێك كە لە سەرۆكایەتی كۆمارەوە ئاراستەی ئەنجوومەنی پارێزگای سەڵاحەدین كراوە، تێیدا هاتووە: ئەحمەد عەبدوڵڵا جبوری بە چەندین دۆسیەی تاوانكاريی سزا دراوە و لە ساڵی 2016 بەر لێبووردنی گشتیی كەوتووە.

  "ئێمە ناتوانین فەرمانی سەرۆكایەتی دەربكەین كە ناوبراو وەك پارێزگاری سەڵاحەدین دەستنیشان بكەین، بەوپێیەی هەڵبژاردنەكەی بەپێچەوانەی یاسای هەڵبژاردنی پارێزگاكانی عێراق بووە". 

باكگراوند: هەڵبژاردنی ئەنجومەنی پارێزگاكانی عێراق لە 18-12-2023 بەڕێوەچوو، تائێستاش بەشێك لە پارێزگارەكانی 15 پارێزگای عێراق دەستنیشان نەكراون.