شاندێک بۆ مووچەی مانگەکانی 8 و 9 دەچێتە بەغدا

ئاڤا نیوز

 

شاندێکی هەرێمی کوردستان بە جانتایەکی پڕ لە کەیسی ئابووری سەردانی بەغدا دەکات و پرسی مووچەی مانگەکانی هەشت و نۆش یەکلایی دەکاتەوە.

 

وێنە گەورەکە: دووشەممەی داهاتوو 23-09-2024، شاندێکی هەرێمی کوردستان بەسەرۆکایەتیی د.ئومێد سەباح، سەرۆکی دیوانی ئەنجوومەنی وەزیران دەچێتە بەغدا، لەگەڵ هاوتاکانیان مووچەی مانگەکانی هەشت و نۆ، چارەسەرکردنی گرفتی هاوتاکردنی مووچەی خانەنشینانی سەربازی، دامەزراندنی سێ یەکەمەکانی زانکۆ و پەیمانگەکان و بەهەمیشەییکردنی فەرمانبەرانی گرێبەست تاوتوێ دەکەن.

 

لێدوانی فەرمی: د.ئومێد سەباح، سەرۆکی دیوانی ئەنجوومەنی وەزیران لە کۆنگرەیەکی ڕۆژنامەوانیدا ڕایگەیاند، "بۆ چاودێرییکردنی سەرجەم بڕیارەکانی ئەنجوومەنی وەزاریی ئابووری، سەردانی بەغدا دەکەین و پرسی مووچەی مانگەکانی هەشت و نۆ یەکلایی دەکەینەوە."

 

ئەوەی پێویستە بیزانیت: لیستی مووچەی مانگی هەشت و نۆ بەوردی ئامادەکراوە، بڕیارە شاندێکی هەرێمی کوردستان لەگەڵ خۆی بیباتە بەغدا و ڕادەستی وەزارەتی دارایی عێراق بکات.