پزیشکیان: تاوانکارییەکانی ئیسرائیل لەبەر یەکنەگرتوویی جیهانی ئیسلامییە

ئاڤا نیوز

سەرۆک کۆماری ئێران ڕەخنە لە نایەکگرتوویی وڵاتانی موسوڵمان دەگرێت بەوەی بووەتە دەرفەتێک تا ئیسرائیل بتوانێت تاوان ئەنجام بدات.

 

لێدوانی فەرمی: لە میانەی بەڕێوەچوونی 38ـەمین کۆنفڕانسی نێودەوڵەتیی یەکگرتوویی ئیسلامی، مەسعود پزیشکیان، سەرۆک کۆماری ئێران، ڕایگەیاند "ئیسرائیلییەکان موسوڵمانانی گەنج و پیر و ژن و منداڵ دەکوژن، قوتابخانە و نەخۆشخانەکان بۆردومان دەکەن و دەوێرن ئەم کارانە ئەنجام بدەن لەبەرئەوەی ئێمە لەگەڵ یەک نین و زمان و تێڕوانینی هاوبەشی یەکگرتوویی ئیسلامیمان نییە".

 

زانیاریی زیاتر: پزیشکیان هەروەها هەڵوێستی وڵاتەکەی بۆ وەستان لە تەنیشت گەل و حکومەتی لوبنان دووپات کردەوە.

 

ئەوەی پێویستە بیزانیت: کۆنفڕانسەکە لە ژێر درووشمی "هاوکارییە ئیسلامییەکان و دەستگەیشتن بە بەها هاوبەشەکان لەگەڵ جەختکردنە سەر پرسی فەلەستین" لە تاران و بە ئامادەبوونی 78 کەسایەتیی ئاییینی و کولتووریی جیهان لە 30 دەوڵەتی جیاواز، بەڕێوە چوو.