لیژنەی دەستپاکی: بەڕێوەبردنی پۆستە حکومییەکان بە وەکالەت "گەندەڵییە"

ئاڤا نیوز

 

لیژنەی دەستپاکی لە پەرلەمانی عێراق ڕەخنەی توند لە حکومەت دەگرێت، کە تائێستا هیچ هەنگاوێکی نەناوە بۆ کۆتاییهێنان بە ئەرکی پلە تایبەتییەکان کە بەوەکالەت پۆستەکانیان بەڕێوەدەبەن و بە بەشێک لە گەندەڵیی ناوی دەبات.

 

وێنە گەورەکە: پێش پێکهێنانی حکومەتەکەی سوودانی، یەکێک لە کارنامەکانی حکومەت کۆتاییهێنان بوو بە ئەرکی ئەو پلە تایبەتییانەی کە بە وەکالەت پۆستە حکومییەکان بەڕێوەدەبن، بەڵام تائێستاش ئەو پرسە بە چارەسەرنەکراوی ماوەتەوە.

 

لێدوانی فەرمی: هادی سەلامی، ئەندامی لیژنەی دەستپاکی پەرلەمانی عێراق ڕایگەیاند: "چەند جارێک پەرلەمان داوای فەرمی ئاراستەی حکومەت کردووە، تاوەکو کۆتایی بە پرسی پلە تایبەتەکان بەوەکالەت بهێنێت، ناوی کەسانی دیکە وەک جێگرەوە ڕەوانەی پەرلەمان بکات، بەڵام تائـێستا ئەنجامی نەبووە".