ڕێنمایی ژینگەیی بۆ بانگەشەی هەڵبژاردن بڵاو دەکرێنەوە

ئاڤا نیوز

 

دەستەی پاراستن و چاککردنی ژینگە کۆمەڵێک ڕێنمایی سەبارەت بە بانگەشەی هەڵبژاردنی پەرلەمانی کوردستان بڵاوکردەوە.

وێنە گەورەکە: بڕیارە 10/20ـی ئەمساڵ هەڵبژاردنی پەرلەمانی کوردستان بەڕێوەبچێت، بە پێی ماددەی (16) لە بەشی شەشەمی یاسای ژمارە (8)ـی ساڵی 2008ـی پاراستن و چاککردنی ژینگە، پێویستە بەربژێر و قەوارە سیاسییەکان لە کاتی هەڵمەتەکانی بانگەشەی هەڵبژاردندا پابەندی ڕێنماییە ژینگەییەکان بن.

ڕاگەیێنراوی فەرمی: دەستەی پاراستن و چاککردنی ژینگە لە ڕاگەیێنراوێکدا ڕایدەگەیێنێت، پێویستە لافیتە و نووسینەکان لەسەر  قوماش و کاغەز بن نەک لەسەر فلێکس و نایلۆن، پۆستەرەکان بە تێپ جێگیر بکرێن و ماددەی پلاستیکیی و نایلۆن بۆ بانگەشە نەدرێتە دەنگدەر.

 

زانیاریی زیاتر: داوا دەکرێت زیاتر سایتە ئەلکترۆنییەکان و تۆڕە کۆمەلایەتییەکان بۆ هەڵمەتی بانگەشەی هەڵبژاردن بەکاربهێنرێن.

 

لەلایەکی دیکەوە: هەوڵدەرێت ناوی ئەو لایەن و قەوارە سیاسییانەی کە پابەندی یاسا و ڕێنماییە ژینگەییەکان نابن بۆ ڕای گشتیی ئاشکرا بکرێت.

 

ئەمەش بزانە: چاوەڕوان دەکرێت لەچەند ڕۆژی داهاتوودا بانگەشەی هەڵبژاردنی پەرلەمانی کوردستان دەستپێبکات.