حیزبوڵڵا کوژرانی سەرکردەیەکی دیکەی سەربازیی ڕاگەیاند

ئاڤا نیوز

 

حیزبوڵڵای لوبنان کوژرانی ئەحمەد وەهبی، سەرکردەیەکی دیکەی باڵای سەربازیی ڕاگەیاند.

    
ڕاگەیێنراوی فەرمی: حیزبوڵڵا لە تێلیگرام ڕایگەیاند، سەرکردەی سەربازیی ئەحمەد مەحموود وەهبی تەمەن 60 ساڵ ناسراو بە "ئەبو حوسێن سەمیر" لە هێرشەکەی باشووری بەیروت کوژراوە.

 

لەلایەکی دیکەوە: بەهۆی هێرشەکەی باشووری بەیروت 14 کەس کوژراون و 66 کەسی دیکە برینداربوون، کە زۆربەیان ژن و منداڵن.

 

باکگراوند: وەهبی تا ساڵی 2007 لە یەکەی مەشقی ناوەندیی چەندین بەرپرسیارێتی لە سەرکردایەتیی حیزبوڵڵا هەبووە، تا ساڵی 2012 بەرپرسیارێتی مەشق و ڕاهێنانەکانی لە هێزی ڕەدوان کردووە، دواتر تا ساڵی 2014 بەرپرسی یەکەی مەشقی ناوەندیی حیزبوڵڵا بووە.