شەش جۆری خواردن وا باشترە بە بەستوویی بخورێن

ئاڤا نیوز

 

خواردنی بەستوو بەهۆی کاریگەرییە خراپەکانی، هەمیشە خەڵکی هەوڵ دەدەن لێی دووربکەونەوە، بەڵام هەندێک جۆری خۆراک هەیە کە دەبێت بە بەستوویی بخورێن. 

 

لێدوانی فەرمی: ریانۆن لامبێرت، پسپۆڕی خۆراکی بەریتانی ڕایگەیاند: چەندین ساڵە داکۆکی لە سوودەکانی خواردنی خۆراکی بەستوو دەکەم، بەڵام ئەو بیرۆکەیەی کە دەریدەخات خۆراکی بەستوو سوودی زیاترە بەربڵاو نییە، بۆیە پێویستە کاری زیاتری لەسەر بکرێت.

 

ئەو شەش جۆر خۆراکەی بە بەستوویی سوودیان زیاترە: 

گۆشت:
کڕینی گۆشتی بەستوو، یارمەتیدەرە بۆ پاراستنی خۆراک و تام.

ماسی:
بەستنی ماسی، ترشە چەورییەکانی دڵ دەپارێزێت، وەک ئۆمیگا سێ.

 

برۆکلی:
برۆکلی لە ڕووی خۆراکییەوە سوودەکانی زیاد دەکات کاتێک بەستووە.

بە بەراورد لەگەڵ برۆکلی تازە، برۆکلی بەستوو زۆرجار ریبۆفلاڤینی زیاتری تێدایە کە پێکهاتەیەکی گرنگە بۆ تەندروستی هەرس و کاری مێشک.

 

سۆیا:
باشترە پاقلەی سۆیا بە بەستوویی بکڕدرێت، کە یارمەتیدەرە بۆ زیادکردنی سەرنجی قوتابیان. 

 

سپێناخ:
ڕێژەیەکی زۆر لە ڤیتامینC و  K تێدایە،  بە بەستوویی ڤیتامینەکان دەپارێزێت.

 

گەنمەشامی شیرین:
گەنمەشامی بەستوو، ڤیتامینC زیاتری تێدایە.

 

ئەوەش بزانە: ئامانجی ئەم توێژینەوەیە هۆشیارکردنەوەی خەڵکە دەربارەی ئەو تێگەیشتنە هەڵەیەی کە پێیانوایە خواردنی بەستوو ناتەندروستە.