ئاسایشی هەولێر دەستگیرکردنی گرووپێکی تیکتۆکی ڕاگەیاند

ئاڤا نیوز 

 

بەڕێوەبەرایەتیی ئاسایشی هەولێر ڕاگەیێنراوێکی لەبارەی دەستگیرکردنی گرووپێکی "تیکتۆک" بڵاوکردەوە کە هەڕەشەی بڵاوکردنەوەی وێنە و ڤیدیۆییان لە هاووڵاتیان کردووە.

 

وێنە گەورەکە: ڕۆژی 21-9-2024، بەفەرمانی دادوەری لێکۆڵینەوە و لەڕێگەی تیمی تەکنیکی بەڕێوەبەرایەتیی ئاسایشی هەولێر، گرووپێکی تیکتۆک کە وێنە و ڤیدیۆی نەشیاوی هاوڵاتییانی تۆمار کردبوو و هەڕەشەی بڵاوکردنەوەیانی دەکرد، دەستگیرکران.

 

ڕاگەیێنراوی فەرمی: بەڕێوەبەرایەتیی ئاسایشی هەولێر لە ڕاگەیێنراوێکدا ڕایگەیاند: دوای ئەوەی لەلایەن چەند هاووڵاتییەک سکاڵای یاسایی لەسەر هەژماری "دادە تیکتۆک" تۆمار کرا، کە هەڕەشەی بڵاوکردنەوەی وێنە و ڤیدۆی لە چەند کەسێک کردبوو، توانرا شوێن و ناسنامەی بەکارهێنەری هەژمارەکە ئاشکرا بکەن و خاوەنەکەی بە ناوی "م ، هـ ، م" دەستگیر بکەن.

 

زانیاریی زیاتر: لە ڕاگەیێنراوەکە دا ئاماژە بەوەش کراوە، دوای لێکۆڵینەوە لەگەڵ تۆمەتبار، دەرکەوتووە هەمان کەس خاوەنی گرووپی "مەلەفە زەخمەکانە" لە تۆڕی کۆمەڵایەتی تەلەگرام و هەژماری "شۆخان"ە لە سناپچات.

 

ئەمەش بزانە: تۆمەتبار لەبەرئەوەی کەسێکی شارەزایە لە بواری تەکنیکی و لە شێوازی گفتوگۆکردندا، توانیویەتی  دەنگی خۆی بۆ ئافرەت بگۆڕێت و وێنە و ڤیدیۆی نەشیاوی چەند پیاو و ئافرەتێکی تۆمار کردووە، لەبەرامبەر بڵاونەکردنەوەیاندا بڕێکی زۆر پارەی وەرگرتووە.