سوپای ئیسرائیل نوێترین ئاماری سەربازە كوژراوەكانی لە غەززە ڕادەگەیەنێت

ئاڤا نیوز

سوپای ئیسرائیل برینداربوونی دوو سەربازی لە غەززە ڕاگەیاند، هاوكات ژمارەی کوژراوانیان لە سەرەتای حەوتی ئۆکتۆبەری ساڵی ڕابردووەوە گەیشتە 573 سەرباز.

ڕاگەیێنراوی فەرمیی: سوپای ئیسرائیل دانی بەوەدانا ژمارەی کوژراوەکانیان لە سەرەتای شەڕی غەززەوە گەیشتووەتە 573 سەرباز و ئەفسەر، ژمارەی بریندارەکانیشیان گەیشتووەتە دوو هەزار و 918 سەرباز. ئەوەش لەکاتێکدایە ڕۆژی هەینی سوپای ئیسرائیل کوژرانی دوو سەرباز و برینداربوونی چوار سەربازی دیکەی ڕاگەیاند کە یەکێکیان ئەفسەر بوو.

ئەوەی پێویستە بیزانیت: ڕۆژنامەی تایمز ئۆف ئیسرائیل ڕایگەیاندووە لەنێوان سەربازە کوژراوەکانی ئیسرائیل لەسەرەتای شەڕی غەززەوە، پێنجیان فەرماندەی باڵای سوپان.

باکگراوند: لە حەوتی ئۆکتۆبەری ساڵی ڕابردووەوە،کاتێک حەماس هێرشی لەناکاوی کردە سەر ئیسرائیل، ئیسرائیل بە چڕی لە ئاسمان و زەمینەوە هێرشی بۆ سەر کەرتی غەززە لە فەڵەستین دەستپێکردووە، ژمارەی قوربانیانی شەڕەکەش لەهەردوولا تادێت بەرزتر دەبێتەوە، لە کەرتی غەززە ژمارەی کوژراوان نزیک دەبێتەوە لە 30 هەزار کەس کە تەندروستی ئەو شارە دەڵێت "زۆربەیان سڤیلن".