حکومەتی عێراق 450 یاسای لە پەرلەمان کشاندووەتەوە

ئاڤا نیوز

حکومەتی عێراق لە ماوەی دوو ساڵی ڕابردوو 450 یاسای لە پەرلەمانی عێراق کشاندووەتەوە، بە مەبەستی هەموارکردنەوەیان، بەڵام تاوەکو ئێستا تەواونەکراون.

 

لێدوانی فەرمی: هادی سەلامی، ئەندامی پەرلەمانی عێراق، ڕایگەیاند: حکومەت لە کۆبوونەوەی 15-11-2022 نزیکەی 450 یاسای لە پەرلەمان کشاندووەتەوە بەمەبەستی هەموارکردنەوەیان، تاوەکو ئێستا ڕەوانەی پەرلەمانی نەکردوونەتەوە، دواکەوتنیشیان زیان بە هاووڵاتیان دەگەیێنێت.

 

زانیاریی زیاتر: لەو یاسا گرنگانەی کە حکومەت کشاندوونیەتیەوە، هەمواری یاسای پەیوەست بە مووچەی فەرمانبەران و یاسای خزمەتگوزاری مەدەنی فیدراڵین، کە هەندێک فەرمانبەر مووچەیان 150 هەزار دینارە، ئەوەش بەش ناکات و پێچەوانەی مادەی 14 دەستووری عێراقە.

 

لەلایەکی دیکەوە: سەرۆکایەتیی کۆمار کۆمەڵێک پرۆژەی لە پەرلەمان کشاندووەتەوە، وەکو پرۆژەیاسای پارێزەران، هەمواری یەکەمی یاسای دادگەی باڵای تاوانەکان، یاسای وەزارەتی کارەبا و کۆمەڵێک پرۆژە یاسای دیکە.