فەرمانی دەستگیرکردن بۆ 24 بەرپرسی پلە تایبەت دەردەکرێت

ئاڤا نیوز

 

لەسەر گەندەڵیی دارایی و کارگێڕی، تەنیا لە ماوەی مانگی ڕابردوودا فەرمانی دەستگیرکردن و ئامادەبوون لەبەردەم دادوەر بۆ 24 بەرپرسی پلە تایبەت لە عێراق دەرکراوە.

 

وێنه‌ گه‌وره‌كه‌: لە دوای ساڵی 2003ـەوە گەندەڵی لە عێراق بووەتە دیاردە و زۆربه‌ی دامەزراوەکانی دەوڵەتی گرتووەتەوە.

 

ڕاگەیێنراوی فەرمی: دەستەی دەستپاکیی عێراق ئاماری کار و چالاکییەکانی بۆ مانگی 8ی ئەمساڵ بڵاوکردەوە کە لەو ماوەیەدا لەسەر گەندەڵیی دارایی و کارگێڕی فەرمانی دەستگیرکردن و ئامادەبوون لە بەردەم دادەوەر بۆ 24 بەرپرسی پلە تایبەت دەرکراوە.

 

زانیاریی زیاتر: بەگوێرەی ئاماری دەستەکە، لەکاتی ئەنجامدانی تاوانی گەندەڵیی 20 تۆمەتبار دەستگیرکراون و 145 کەسی دیکەش بە بڕیاری دادوەریی سزا دراون.

 

ئەوەی پێویستە بیزانیت: هەموو مانگێک دەستەی دەستپاکیی عێراق ئاماری کار و چالاکییەکانی بڵاودەکاتەوە، ئەگەرچی مانگانە دەستگیرکردنی دەیان تۆمەتبار لەسەر کەیسی گەندەڵیی بەشێوەیەکی گشتی ڕادەگەیێنێت، بەڵام گەندەڵیی هەر بەردەوامە.