ئەمریكا هاوكارییە سەربازییەكانی  بۆ ئۆكراینا نوێ دەكاتەوە

ئاڤا نیوز

جۆ بایدن، سەرۆكی ئەمریكا ڕەزامەندی داوە لەسەر نوێكردنەوەی هاوكارییە سەربازییەكانی ئەمریكا بۆ ئۆكراینا.

بۆچی گرنگە: بایدن بە زێلێنسكی گوتووە، هاوكارییە سەربازییەكانیان بۆ كێیڤ "نوێ" دەكەنەوە، بە وەستانی ئەو هاوكارییانە، ئۆكراینا بەشێكی زۆر لە خاكەكەی بەرامبەر بە رووسیا دەدۆڕێنێت.

لێدوانی فەرميی: جۆ بایدن بۆ رۆژنامەنووسان گوتی: نیوەڕۆی ئەمڕۆ لەگەڵ زێلێنسكی قسەم كرد، بۆ ئەوەی پێی بڵێم كە دڵنیام ئەم پارەیە بەدەست دەهێنین كە پێویستە بۆ دابین كردنی هاوكارییەكان.

لەلایەكی دیكەوە: زێلێنسكی پێیوایە كە شكستی یاسادانەرانی ئەمریكا لە پەسەندكردنی بودجەی نوێ بۆ یارمەتییە سەربازییەكان بۆ كیێڤ كارێكی "گاڵتەجاڕانە" و "نا ئەخلاقی" دەبێت.

باكگراوند: سەرەرای گوشارەكان، جۆ بایدن، سەرۆكی ئەمریكا زیاتر لە چوار جارە هاوكارییە سەربازییەكانی بۆ ئۆكراینا نوێ دەكاتەوە.