هۆشدارییەک لە باڵیۆزخانەی عێراق لە بەیرووت بۆ هاووڵاتیانی

ئاڤا نیوز

 

باڵیۆزخانەی عێراق لە بەیرووت داوای لە سەرجەم هاووڵاتیانی دەکات، بۆ هەر ئەگەرێکی نەخوازراو پەیوەندی بە باڵیۆزخانەکە بکەن.

 

وێنە گەورەکە: هەفتەیەکە سوپای ئیسرائیل دەستی بەهێرشێکی چڕ کردووە بۆ سەر لوبنان، تاوەکو ئێستا زیاتر لە 500 هاووڵاتی گیانیان لەدەست داوە، هەزارانی دیکەش بریندار و  ئاوارە بوون.

 

لێدوانی فەرمی: نەدا مجوەل، ڕاوێژکاری کاروباری باڵیۆزخانەی عێراق لە بەیرووت ڕایگەیاند: وەزارەتی دەرەوەی عێراق بەردەوام لەسەر هێڵە لەگەڵ کارمەندانی باڵیۆزخانەکەمان بۆ وەرگرتنی زانیاریی لەسەر ڕەوشی هاووڵاتیانی لە سەرانسەری لوبنان بۆ پاراستنی ژیانیان.

 

زانیاریی زیاتر: مجوەل ئاماژەی بەوەشکرد، باڵیۆزخانەی عێراق لە بەیرووت هێڵێکی پەیوەندیی گەرمی تەرخانکردووە بەدرێژایی شەو و ڕۆژ پێشوازی لە پەیوەندیی هاوڵاتیانی دەکات لە لوبنان بۆ هەر ئەگەرێکی نەخوازراو ڕووبەڕوویان ببێتەوە.

 

باکگراوند: بە گوێرەی زانیارییە فەرمییەکان، ژمارەی ئەو عێراقییانەی لە لوبنان دەژین نزیکەی 100 هەزار کەس دەبن.