خەزعەلی بەشداری کۆبوونەوەیەک بۆ پشتیوانی لە حیزبوڵڵا ناکات

ئاڤا نیوز

 

بەبێ بەشداریی عەسائیبی ئەهلی حەق کە قەیس خەزعەلی ئەمیندارێتی دەکات، سەرجەم گرووپە چەکدارە شیعەکانی عێراق کۆبوونەوە و بەفەرمی شەڕیان دژی ئیسرائیل ڕاگەیاند.

 

چیڕۆكه‌ سه‌ره‌كییه‌كه‌: گرووپە میلیشیا شیعەکانی عێراق ڕێککەوتن لە سەر پشتیوانيكردن لە حیزبوڵڵا و بۆردومانکردنی ئیسرائیل بە فڕۆکەی بێ فڕۆکەوان و مووشەکی دوورمەودا لەنێو خاکی عێراق و سوریاوە.

 

ڕاگه‌یێنراوی فه‌رمی: ڕۆژنامەی عەرەبی جەدید لەزاری ئەندامێکی دیاری گرووپی "مقاوەمەی ئیسلامی" لە عێراق بڵاویکردەوە: کۆبوونەوەیەک لەبەغدای پایتەخت کرا بە بەشداری  سەرکردە و نوێنەرانی کەتیبەکانی حیزبوڵڵای عێراقی و نوجەبا و ئەنساروڵڵا و ئیمام عەلی و کەتیبەکانی سەیید ئەلشوهەدا، لە کۆبوونەوەکەدا هیچ نوێنەرێکی گرووپی عەسائیبی ئەهلی حەق کە قەیس خەزعەلی ئەمیندارێتی دەکات بەشدار نەبوون.

 

زانیاریی زیاتر: بەگوێرەی ڕێککەوتنەکە، سەرجەم ئامادەبووانی کۆبوونەوەکە ڕازی بوون مەودای هێرشەکانیان سەرجەم بنکەکانی ئەمەریکا لە عێراق و سووریا بگرێتەوە.