بانگەشەی هەڵبژاردن؛ 20 ڕۆژی پڕ لێدوانی تووند و کێشمەکێش

ئاڤا نیوز

 

کاتژمێر 12:00ی شەوی ڕابردوو بانگەشەی هەڵبژاردنی خولی شەشەمی پەرلەمانی کوردستان دەستیپێکرد، تا 15 مانگی داهاتوو، واتە بۆ ماوەی 20 ڕۆژ بەردەوام دەبێت، چاوەڕوان دەکرێت بانگەشەیەکی پڕ کێشمەکێش و لێدوانی تووند بێت.

وێنە گەورەکە: سەرۆکوەزیران مەسروور بارزانی چەند ڕۆژێک پێش ئێستا لە کۆبوونەوەیەکی ئەنجوومەنی وەزیران گوتی: "هەموومان هاووڵاتی ئەم کوردستانەین، داوا لە لایەنەکان دەکەم ڕەچاوی ئەوە بکەن زمانی زبر و ئاست نزم دژی یەکتر بەکار نەهێنن، دەبێت شتێک نەکەن دوایی شەرم بکەن لەگەڵ یەکتر دابنیشن".

 

زانیاریی زیاتر: لەگەڵ دەستپێکردنی بانگەشە زۆربەی شوێنە گونجاوەکان لە سەنتەری پارێزگا و شارەکان لەلایەن بەربژێر و لیستەکان بە تابلۆ و پۆستەر تەنران.