وەزیری تەندروستی: نزیکین لە بنبڕکردنی تەواوەتی هێنانی دەرمانی قاچاخ

ئاڤا نیوز

 

لەماوەی ساڵانی ڕابردوودا هەرێمی کوردستان ناوەندێک بوو بۆ ساغکردنەوەی دەرمانی بەقاچاخ هاوردەکراو و ساختە، وەزارەتی تەندروستی شۆڕشی چاکسازی دەرمانی ساختەی ڕاگەیاندوە، لە ڕێگەی بە ئەلیکترۆنیکردنی سیستەمی دەرمان و بەستنەوەی بە سیستەمێکی دژە ساختە، هەروەها داخستنی کۆگا نایاساییەکان.

 

وێنە گەورەکە: هەرێمی کوردستان لە دەروازییە سنووریەکان ڕێگری دەکات لە هەر دەرمانێک کە لە کوالێتی کۆنتڕۆڵ دەرنەچێت، وەزارەتی تەندروستی کار لەسەر ئەوەش دەکات پڕۆسەی هێنانی دەرمان بە ئەلیکترۆنی بکات تاوەکو دەگاتە دەستی چارەخوازن.

 

لێدوانی فەرمی: دکتۆر سامان بەرزنجی لە کەشتی هەواڵەکانی کاتژمێر 01:00 کە سورەیا هەساری پێشکەشی دەکات میوانی ئاڤا بوو، گوتی: "شۆڕشی چاکسازی لە دەرمانی قاچاخ بەردەوامە، تاوەکو ئێستا زیاتر لە 90% هاوردەی دەرمانی قاچاخ لە هەرێمی کوردستان بنبڕکراوە."

 

زانیاریی زیاتر: بە گوتەی وەزیری تەندروستی، هەر دەرمانێک بە نایاسایی هاوردە بکرێت قاچاخە و قەدەغەیە، لەماوەی ڕابردوودا دەست بەسەر هەندێ کۆگا گیراوە کە تەنیا کارتۆنەکەی بڕاند بووە بەشێکیان دەرمانی شێرپەنجە و ڤاکسین بوون، لە ڕێگەی ئۆنڵاین ساغکراونەتەوە.