ئەندامێکی پارتی لە ئەنجوومەنی پارێزگای نەینەوا دەکشێتەوە

ئاڤا نیوز

 

ئەندامێکی پارتی دیموکراتی کوردستان لە ئەنجوومەنی پارێزگای نەینەوا بۆ چۆڵکردنی شوێنەکەی بۆ ئەندامێکی ئێزیدی حیزبەکەی دەکشێتەوە. 

 

وێنە گەورەکە: بڕیارە سبەی دووشەممە، ئەندامانی ئەنجوومەنی پارێزگای نەینەوا سوێندی یاسایی بخۆن و دانیشتنی ئەنجوومەنەکە بەڕێوەبچێت، پارتی ئەندامێک ئاڵوگۆڕ دەکات. 

 

زانیاریی تایبەت: د. فارس بریفکانی ئەندامی ئەنجوومەنی پارێزگای نەینەوا لە لیستی پارتی دیموکراتی کوردستان خۆی دەکشێنێتەوە، جەمال شەشۆ کە دەنگی کەمتری بەدەستهێنابوو  بۆ ئەنجوومەنەکە دەچێتە شوێنی. 

 

لێدوانی فەرمی: جەمال شەشۆ، ئەو بەربژێرەی بڕیارە بە ئەندامی تازەی ئەنجوومەنەکە دیاری بکرێت، بە ئاڤا نیوزی گوت: حیزب ئەم بابەتەی تاوتوێ کردووە و هەر بڕیارێک سەرکردایەتیی پارتی دەریبکات جێبەجێی دەکەن.

 

باکگراوند: لە ڕۆژی 18-12-2023، هەڵبژاردنی ئەنجوومەنی پارێزگاکانی عێراق بەڕێوەچوو، پارتی دیموکراتی کوردستان لە نەینەوا چوار کورسی بەدەستهێنا.