شێخ نەهرۆ کەسنەزانی بەهۆی کوژرانی نەسروڵڵا هەفتەیەک ماتەمینی ڕاگەیاند

ئاڤا نیوز

 

شێخ نەهرۆ کەسنەزانی، ڕێبەری تەریقەتی قادری، بەهۆی کوژرانی حەسەن نەسروڵڵا، ئەمینداری گشتیی حیزبوڵڵا یەک هەفتە ماتەمینی ڕاگەیاند.

 

وێنە گەورەکە: بە فەرمانی شێخ نەهرۆ کەسنەزانی، تەواوی ڕێوڕەسم و چالاکییەکانی یادی مەولوود لە تەواوی عێراق و دەرەوەی عێراق وەستێنران، لەبری ئەوە داواکراوە کۆڕ و ئەڵقەی زیکر ببەستن و نزا بۆ شەهیدانی میللەتانی ئیسلامی بکەن.

 

ڕاگەیێنراوی فەرمی: لە بەیاننامەیەکدا کە بەزمانی عەرەبی بڵاوکراوەتەوە، تەریقەتی قادریی کەسنەزانیی ئاماژەی بەوە کردووە، ئەمڕۆژانە میللەتانی ئیسلامی بە قۆناغێکی سەختدا تێدەپەڕێ، لەنێویشیاندا حەسەن نەسروڵڵا، گەورەی بەرەنگاری و تێکۆشەری قارەمان شەهید دەکرێت.

 

باکگراوند: ڕۆژی هەینی 27-09-2024، لە هێرشێکی ئاسمانی سوپای ئیسرائیل دا بۆ سەر بارەگای سەرەکی حیزبوڵڵای لوبنان لە بەیرووت، حەسەن نەسروڵڵا و چەند سەرکردەیەکی دیکەی حیزبوڵڵا کوژران، کە ئەمڕۆ شەممە سوپای ئیسرائیل بە فەرمی کوژرانی نەسروڵڵای ڕاگەیاند و دواتریش حیزبوڵڵا پشتڕاستی کردەوە.